مين فينا....بقلم اجمل قلب نور الهدايه
مين فينا....بقلم اجمل قلب نور الهدايه
هو مين فينا اللي مات؟؟؟
حلم بكره؟
ولا ذكرى للي فات
هو شيء جوانا اتولد
ولا احساس....
كااااان موجود ..
ومات...
سن القلم اللي انكسر
ولا الحروف اتحشرجت في الحلق
ودابت من سكات
ليه كل حاجه فجأه
اتبدلت
حتى السما....
بالغيوم اتلبدت
وكأنها نوور
وخفت
وسط الاهات
لما المشاعر تلقاها اتحولت
لكلمه باردة
من غير معاني
وسط حكايات
لما ورد الدنيا بعطره،
ولا القمر برضه بسحره،
حتي موح البحر ،
همسه
كلهم يتساووا عندك
يبقوا ليك
مجرد ..بس حاجات
لما تبص في المرايه
تلقي عيون باصه عجيبه
ملامحها ميته
باهته غريبه
تعرفك
حتي يمكن تشبهك
من غير ضحكه
ولا حتي غمازات
كل حاجه حواليك بتصرخ
كارهه ضعفك
من جواك ..بكل قوتها تهزك
وبأعلى صوتها تقولك:
مش هاسامحك
لو سمحت لتوب فرح
يبقى..رفات
ليست هناك تعليقات:
إرسال تعليق