حلمنتيشى حب مصري بقلم معلم فحمه
أذكرينى وانتى ماشية ع الرصيف ,, فى الربيع أو فى الخريف ,, حتى لما المطر يغرقك ما يهمكيش ,,
أذكرينى وأنتى ما شية جنب بركة موحله وتمر جنبك عربية مسرعه تطرطش عليكى تغرقك ما يهمكيش ,,
أذكرينى وأنتى راكبة مواصلة عامة وكل واحد فى الزحمه رايح يتزنق ,, أصمدى ما تعيطيش ما يهمكيش ,,
أذكرينى وأنتى واقفه فى الطابور عيش سكر زيت ما تنسنيش برغفين مدعومين كله ماشى ما يهمكيش ,,
أذكرينى لما كعب الجزمة أنكسر من كتر لفك ع المكاتب يا تلحقى وظيفة يا متلحقيش ما يهمكيش ,,
أذكرينى وأنتى قاعدة قاعدة نميمه وبتلعنى اللى جابوا ف بلادنا لو فيه مخبرين حا تسمعك ما يهمكيش ,,
أذكرينى وأنتى قاعدة بتطبخى قولى كان أحسن عريس بس لو كان فى شقه هو الموظف فى البلاد دى أزاى يعيش ما يهمكيش ,,
أذكرينى وأنتى جاية المعتقل بعد ما مسكنى البوليس ما تقوليش لسانه فالت مش عارفه آيه خلاه يحب مصر ويلعن فى اللى جاب ليها رئيس عشر سنين يا موهجتى أستنى وما تروحيش ما يهمكيش
أصيله ,, أشوف محامى يطلعه ولا أشوف ليا عريس ,, انا لسه حا استنى ,,
معلم فحمه ,,؟؟!!ّ
ليست هناك تعليقات:
إرسال تعليق