يا قاضى مبارك ,, قبل ما تنطق بالحكم اسمعنا وشوف قصتنا ,, التوقيع ( شعب مصر )...بقلم معلم فحمه
يا قاضى مبارك ,, قبل ما تنطق بالحكم اسمعنا وشوف قصتنا ,,
التوقيع ( شعب مصر )
عليا السلام عليكوا السلام
عليا الحرنكش كلام مش تمام
كتبها المعلم وجت ف التمام
وجيت النهارده أأدم أعتذار
عشان الحمار و عشان المدام
تعالى يالله قرب يا عم البعيد
حاأقول النهارده كلامى المفيد
من أول شمالنا لآخر الصعيد
مبارك خربها وآخر تمــام
عملها عزبه لآهل المقام
شكل وزارة عقولها حجارة
تشرب الخمرة وتقولك حرام
ممنوع التدين ممنوع تصلى
خليك فى الطراوه عشان المدام
قفل قناة وفتح قناة بأمر السلام
و ماله التحرر يا أهل المقام
شوية نصلى وشوية حانرقص
الأشيا معدن وآخر تمام
لما يدلع ابنه بيسو سبانخ
يئوله يا نونو ملايينك مش حرام
بلدنا سايبه ما ليها صاحب
احنا بيها اوله ... فاكلها قوام
حاكمها مؤبد انا فارس همام
حا احل الوزارة واشكل وزارة
واحطك يا ابنى رئيسهم كمان
ياشعب الحضارة عاملى غارة
حتاكل بصارة عليك السلام
نام واستغطى واحلم ببطه
يمكن تجيلك وزه ف منام
وطى حسك وطى لا يسمعك يغطى
يصحى على صوتك ويفوق م المنام
لكن يا مصر عمر ولادك ما كانو نيام
بكره الكل ييجى أسمعى الكلام
من قلب المزارع من ورش المصانع
صوت ولادنا رايح للحرية طالع
جايلك يا بلدنا يا أم ألف مدنه
يخرج كدابينك وكلاب جارنينك
تجار المواجع
قاما الشعب نادى طفح الكيل زياده
والكداب تمادى ع الحق اللى ضايع
يا مصر أسمعينى مهما طال سنينى
ف الوعد تلاقينى ,, أراده وتحدى
بكره ييجى ولدى هو دراعى وسندى
يراضى مصر بلدى وينطق بالكلام
يا مصر أحنا جينا من أسوان لسينا
حلوة أغانينا رد يا اللى سامع
ونقول كمان
من قلب المزارع من ورش المصانع
صوت ولادنا رايح للحرية طالع
جايلك يا بلدنا يا أم ألف مدنه
نخرج كدابينك وكلاب جارنينك
تجار المواجع
يا مصر أحنا جينا من أسوان لسينا
حلوة أغانينا رد يا اللى سامع
معلم فحمه ,,؟؟!!
22-10-2014
ليست هناك تعليقات:
إرسال تعليق