علي باب الزجل دقيت بقلم اجمل قلب نور الهدايه
علي باب الزجل دقيت بقلم اجمل قلب نور الهدايه
علي باب الزجل دقيت
يالي سبقتوني
ممكن الاقي مكان
ولا تمشوني
عشمان اجي عندكم
علشان ترقوني
ممكن من فضلكم
ادخل ترسوني؟
غواص في بحر النغم ..لحنت اغنيه
وسهرت طول الليل اغني وحديا
اوصف عيون الكحيله
بالضحكه ورديه
ولما طلع النهار..قابلت انا صبيه
ضحكتها رايقه وصافيه
عيونها عسليه
عدت وحدفت سلام
ما دريتش بالدنيا
تاه عقلي مني وراح
ويا العيون ديه
ولما جه الليل
رجعلي لحني ينادي
علي احلي بنيه
اهو النهار عدي
ورجعت تاني لوحدي
اسهر لياليا
وعجبي
بحار في بحر الهوي فارد أنا قلوعي
مستني نسمه هوي طايره تعديني
احدف شبكتي واشوف ايه اللي هيجيني
طلعتلي بلطيه خطفت ضيا عيني
قالتلي: يا مراكبي حيرانه رسيني
أستني ييجي النصيب
ولا تعديني؟؟؟؟؟؟؟؟؟؟
ضحكت من قلبي
وقلتلها : شوفيني
عمال الف بحور
وابعت مراسيلي
خليكي جنبي هنا....
ولما ربك يريد
هيجيكي الخير
وهيجيني
وعجبي
ليست هناك تعليقات:
إرسال تعليق