العمر ف لحظه بقلم اجمل قلب نور الهدايه
العمر ف لحظه بقلم اجمل قلب نور الهدايه
مابكذبش
لوقلت إني باعيش عمري
في لحظه معاك
باكون طفله بضفايرها
تجري تسبقها فرحتها
ع الشط هناك بتجري وراك
حنان الاب معاه خوفه
ولمسه دافيه بكفوفه
تطبطب علي كتفي واحنا هناك
شقاوة بنوته مبسوطه
وخصلة شعر علي جبينها
وورده في الودن محطوطه
تردد مع نجاة غنوة
انا ياحبيبي باستناك
شبابي باشوفه في عيونك
تهمس له حروف شوقك
تقولي وخداني عنيكي بشقاوتك
ودايب برضو في حلاوتك
والشهد وعسله في دمك
اسرح في حلمي وانا سمعاك
سنيني تفوت قصاد عيني
في كل دقيقه بتجيني
زي الموج موافيني
يوم قاسي تفتت صخر
،،والف يوم تهاديني
يوم جيلي م الاعماق
والتاني لشط امان موديني
أشرب منه يزيد عطشي
ارجع تاني بحنيني
بنبضة قلب 💓 له معنى
تقربنا،،تجمعنا،،
في لحظه نعيش تدوبنا
نعيش العمر من تاني
بمعني جديد واماني
ياحب العمر وحلاوته
وكل سعادته وهناوته
احساس من تاني ومعاني
همسات قلم نور الهدايه
ليست هناك تعليقات:
إرسال تعليق