نور رمضان..مشاركة مسابقة رمضان بقلم اجمل قلب نور الهدايه
رمضان ياشهر كريم نورة القرآن
سامحنا قلوبنا حزينه.مافرحنا زي زمان
شمعة فانوسنا إنطفت من دم سال في الميدان
دم امتزج ما فرق بين عسكر ولا اخوان
ماهو دم مسلم مصري اب واخ كمان
طول عمرهم قلب واحد بيواجه العدوان
من امتي اتفرقوا في محنه او فيضان
بنقسم الفرحه تكبر والحزن يبقي كان
المصري راجل جدع محال هيبقي جبان
ايده بتصنع حضاره. فاسه خضارفي غيطان
قلوبنا النهارده حزينه.سامحنا يارمضان
شمع الفانوس انطفي من هجمة الغربان
سامحنا بتدعي قلوبنا ينور شمعنا القرآن
صيام في النهار.وليل بالصلاة والقيام مليان
هنقوم في ليلك كلنا عسكر مع اخوان
نرفع ايدينا لربنا يرحمنا ويرحلوا الغربان
هلالك ينور سمانا وترجع لنا مصر الامان
رمضان كريم يا اخونا افتحوا لنوره الببان
ليست هناك تعليقات:
إرسال تعليق