انا والبحر
جتلك يابحر بحمل تقيل علي كتافي
احلم بموجك ادوب وياه واتعافي
لقيت شطك بيشكي هموم ويتباكي
اتاري موجك دموع تتفارق وتتلاقي
********
انا والليل ونجم صديق قاصدينك
ماليش غيرك أسمع منه واحكيلك
علي شطه يدوب سري ويجريلك
يروح وياك ويرجعلي واغنيلك
****************
جابني النهاردة شوقي ليك مش قادره وحدي اعيش جراحي
كوني كله بقي همسي ليك واسمع هديرك يمحي نواحي
قررت اكون قطرة في موجك وادوب في ليلك وانسي صباحي
خدني يابحري توهني .بددني .مش عايزه تاني اهاتي
****
لقانا يابحر ده قدري. اكون وياك واسيب عمري
او اروح وانساك واعيش وارضي بقسمتي و قدري
لا قادره عنك استغني ولا من غيرك اكون نفسي
هاغمض عيني واتمني اكون قدرك وتندهلي | 
ليست هناك تعليقات:
إرسال تعليق