.jpg)
وانا امتى عشقتك ,,
وانت منوره ,,؟؟؟
ما انا طول عمرى بعشقك ,,
وانتى مندارة ورا ,,؟؟
وانتى منتصره وانتى منكسره !!
وانتى عايشة على لمبه جاز ,,
او فيكى كهربا ,,
وكل كلب من بره ,,
حاجز له ,, فله..حارة..عمارة !!
واحنا ملمومين ميه ف مندرة ؟؟؟
لا يوم شكينا..ولا افترينا ,,
ولا بطلنا نحلم بيكى منورة ,,!!
طول عمرك فى همك ,,
متشورة ومعطرة ,,
وف كل بيت متغندرة ,,
وفايقه كل الخلق ,,
وسايعة كل الخلق ,,
وحاضنة كل الخلق ,,؟؟
شوفتوا حد يقسم الكحكة تلاتة ,,
مع الغلابة ,,
الا هنا ؟؟؟
والبلحاية تيجى نصين ؟؟
و الرغيف اتنين ؟؟
وتغرقى وترجعى ,,
تانى تبقللى ؟؟
حلاوة روح !!!
عشان كده ,,
من شان كده ,,
بالشكل ده ؟؟؟
كل كلاب العالم طمعانة ,,
ف ده ,,؟؟؟
سايبة كل الدنيا ,,
وعايزه تسكن هنا ؟؟؟
مستكترينك علينا !!
نضحك رغم الهموم ,,
مستكترين علينا تاريخ ,,؟؟
در فيكى مكنون !!
مستكترين علينا انك ,,؟؟
زمام الكون !!
مستكترين علينا اننا ,,؟؟
حامدين !!!
بالرغم الظروف ,,
عينيهم ما اتشوف ,,
ان احنا لسه ,,
ميه ف مندرة ,,؟؟؟
----------
معلم فحمه ,,؟؟!!
ليست هناك تعليقات:
إرسال تعليق